ഹൃദയം, മനസ്സ് രണ്ടു ഭാഗങ്ങളാണ്
സ്ത്രീ പുരുഷൻ ധനാത്മകവും, ഋണാത്മകവും
മനസ്സൊരു തടവറയാണ്
എന്തിനും അല്ല, ഇല്ല എന്ന നിഷേധി
ഹൃദയം ലോലമാണ് സുന്ദര ഗുണമുള്ളതാണ്
ഈശ്വരനും, ചെകുത്താനും
ഒരു വടിയുടെ ഇരുധ്രുവങ്ങൾ
ഈശ്വരൻ സമാന്തര പാതയാണ്
ചെകുത്താൻ ഇടുങ്ങിയ മാർഗ്ഗവും
ബുദ്ധി വെറും കല്ലാണ്
ഭാവന ഹൃദയമാണ്
ചേരുമ്പോൾ എല്ലാം ഗുണമയമാകും
നിങ്ങൾ മനസ്സിൻ്റെ തടവറയിൽ നിന്ന്
സ്വതന്ത്രരാവുക
ഹൃദയത്തിൻ്റെ സൌമ്യതയിൽ യാത്ര ചെയ്യുക
നിങ്ങളാകുന്ന വൃക്ഷത്തിൻ്റെ
ശാഖോപശാഖകൾ
മുറിച്ചു മാറ്റുക
അസ്തിത്വത്തിൽ അനന്തമായ
ആനന്ദം കണ്ടെത്തുക
അതായിരിക്കും നിങ്ങൾ
ഇതൊരു ഭ്രാന്തൻ്റെ തത്വശാസ്ത്രമല്ല
പൊലിമയുടെ ഞരമ്പുകളാണ്.
– സത്യ ഭായ്
