അകത്തു കടന്നവൻ ജാലക വാതിലിലൂടെ
പെട്ടതറിയാതെ പുതുലോകത്തിലിന്ന്
ഇതുവരെ കണ്ടതോ ഒന്നുമല്ല
ഇനിയാണ് ലോകമെൻ കൈക്കുമ്പിളിൽ
ചിന്തിച്ചാലോകത്തിലാണ്ടുപോയി
ഫേസ്ബുക്കും ഇൻസ്റ്റയും ട്വീറ്ററും കൂട്ടരും
ഊറിച്ചിരിച്ചവനെ വരവേൽക്കുന്നിതാ
കണ്ടതും കേട്ടതും അറിഞ്ഞതും പോരാ
ഇതിൽ കാണുന്നതെല്ലാമറിയണം
ആസ്വദിച്ചെങ്ങനെ ജീവിതം നീക്കണം
പുറത്തെന്തന്നറിയാതെ യാമങ്ങൾ നീങ്ങുന്നു
വീട്ടുകാർ കൂട്ടുകാർ ശല്യമായ് തോന്നുന്നു
ഇഷ്ടങ്ങൾ പങ്കിടൽ അഭിപ്രായങ്ങൾ
എല്ലാം താകൃതിയായ് നടക്കുന്നിതാ
എങ്കിലും അകത്താരിൽ ഒറ്റപ്പെടലിൻ വിങ്ങലോ?
പാടവരമ്പും തൊടിയും നാൽക്കവലയും
എല്ലാം മനസ്സിലേക്കോടിയെത്തുന്നു
തന്‍റേതെല്ലാം അവിടെവിടെയോ എന്ന് മനസ്സും
തിരികെ പോകൂ എന്ന് ഹൃദയവും തേങ്ങി
സൈബർ ലോകത്തിൻ പുറത്തേക്ക് നടക്കണം
കാലുകൾ കുഴയുന്നു മനസ്സോ ഓടുന്നു
ഇല്ല എൻ്റെ ലോകം ഇതല്ല ഇവിടെ ഞാൻ അന്യൻ
കരുതാൻ സ്നേഹിക്കാൻ വെമ്പുന്നൊരു ലോകം
വെളിയിൽ എനിക്കായ് കാത്തു നില്കുന്നു
ജാലകത്തിൻ പുറത്തേക്ക് പോകുന്നു ഞാനിതാ
– രമ്യ വി മോഹനൻ
