മേഘം വേരിനയച്ച
സന്ദേശങ്ങളിലെല്ലാം
ഒരു പുഴയെ
പൊതിഞ്ഞുവച്ചിരുന്നു.
മിന്നാമിനുങ്ങു പറഞ്ഞ കഥകൾക്കെല്ലാം
ഇരുട്ടിൻ്റെയഴകായിരുന്നു.
മരമിങ്ങനെ പെയ്യുന്നത് കൊഴിഞ്ഞയിലയെയോർത്തല്ല
നനഞ്ഞ –
കിളിത്തൂവൽത്തണുവോർത്താണ്.
പൂക്കളെല്ലാം
സന്തോഷവതികളാണെന്ന
തേനിറ്റുന്ന നുണകളാണ്
വണ്ടു മൂളിനടക്കുന്നത്.
കാറ്റോടിനടന്നത്
മഴയുടെ വിത്തുകളെ
മണ്ണിൽ വിതറാനാണ്.
ഗ്രീഷ്മത്തിൻ്റെ –
നീരുവറ്റിയ ഞരമ്പുകളിൽ
വർഷമെഴുതിയ കവിതകളാണ്
പൂക്കളായ് പിറക്കുന്നത്.
– ഷേർലി മണലിൽ
ഹൃദയം തൊട്ട നാളിൽ നിൻ്റെ ആനന്ദം കണ്ടറിഞ്ഞതാണ് അതിനാലാണ് നിന്നെയറിയാൻ നിൻഗൃഹത്തിൽ ഞാൻ നിത്യ സന്ദർശകനായത് ഒരിക്കലും പ്രകാശിക്കാത്ത നിന്മുഖം പ്രകാശിച്ചു തുടങ്ങിയത് എൻ്റെ വരവിലാണെന്നു നീ...
മുത്തശ്ശിമാരെന്നോ പറഞ്ഞ അർത്ഥമില്ലാ വിലക്കുകൾ അമ്മ ചൊല്ലുമ്പോൾ കലഹം മറുപടിയായിടും യാത്ര പോകും വീട്ടുകാർക്ക് കാണാൻ കൊള്ളാത്ത സാധനം ചൂലാണെന്നുറപ്പിച്ചു മനസ്സിലാപത്തു നിനച്ചിടും കൽപവൃക്ഷമാം തെങ്ങിൻ്റെ ഓലപ്പീലികളെ...
പ്രണയിക്കണം.. മനസ്സ് നിറയെ... നിറഞ്ഞു തുളുമ്പുമ്പോൾ കൈകുമ്പിളിൽ കോരിയെടുത്തു സൂക്ഷിച്ചു വയ്ക്കാൻ അരികത്തു 'നീ'യുണ്ടാവണം... ഇഷ്ടമാണൊത്തിരി... പക്ഷേ.. നഷ്ടപ്രണയമെന്നേ പിന്നോട്ട് വലിക്കുന്നു... നീ മാറ്റാരുടേതെങ്കിലും ആണെങ്കിലോ..? എന്ന...
തലപൊക്കി നോക്കുന്നുണ്ട് വീട് നേരം പുലർന്നോയെന്ന് കുണ്ടനിടവഴിയുടെയപ്പുറം വെള്ളകീറിയോയെന്ന് കുറുക്കൻ ഓരിയിടുന്നതു കേട്ട നായ കുരയ്ക്കുവാൻ തുടങ്ങി പൂച്ചയുടെ പള്ളയിൽ തലവെച്ചു - റങ്ങിയ എലി തട്ടിപ്പിടഞ്ഞെഴുന്നേറ്റ്...
നാടിൻ്റെ രക്ഷയ്ക്ക് കാവലാളായ് രാജ്യം ഉറങ്ങുമ്പോൾ ഉണർന്നിരുന്നു! ദേശങ്ങൾ, ഭാഷകൾ പലതെങ്കിലും അമ്മയെ കാക്കുവാൻ വന്ന മക്കൾ! എത്ര ദുരന്തമതുണ്ടെങ്കിലും കർമ്മനിരതരായ് മുന്നിലുണ്ട്! ശത്രുവിൽ നിന്നങ്ങുകാത്തിടാനായ് ശക്തമാം...
