അപ്പൂപ്പൻതാടിയും, കയ്യും, ഞാനും (അന്വേഷണകഥ)

അപ്പൂപ്പൻതാടിയും, കയ്യും, ഞാനും (അന്വേഷണകഥ)

വീടിന് വെളിയിൽ ഇറങ്ങി.. ചെടികളോടും, മരങ്ങളോടും, കിളികളോടും കുശലം പറഞ്ഞു ഇല്ലപ്പറമ്പിലൂടെ നടന്നു. വൈകുന്നേരം 4 മണി സമയം, അങ്ങനെ നടക്കുമ്പോൾ ഒരു “അപ്പൂപ്പൻ താടി “അങ്ങനെ പറന്നു വരുന്നു, വയസ്സ് 50 കഴിഞ്ഞാലും ചില കൗതുകം നാം മറക്കുമോ? ഇന്നും വലിയ വിമാനം പോകുന്ന, അല്ലെങ്കിൽ താഴെക്കൂടെ പോകുന്ന ഹെലികോപ്റ്റർ ഒക്കെ ശബ്ദം ആക്കി പോകുമ്പോൾ ഞാൻ നോക്കി നിൽക്കാറുണ്ട്. അത് പോലെ ഈ അപ്പൂപ്പൻ താടി കണ്ടാലും ഒരു കൗതുകം, പിന്നെ നമ്മുടെ താടിയും വെള്ളത്താടി ആണല്ലോ.

കുട്ടികൾ എന്നെ കണ്ടാൽ അമ്മാവൻ എന്ന് പറയുന്നതിന് പകരം അപ്പൂപ്പൻ എന്ന് പറയും. ചെറിയ വിഷമം ഒക്കെ ഉണ്ടെങ്കിലും (ആത്തേമ്മാരെ ആൻ്റി  എന്നും എന്നെ അപ്പൂപ്പൻ എന്നും) അതൊക്കെ സഹനം ചെയ്തു പോകും,, ആ അങ്ങനെ ” അപ്പൂപ്പൻതാടി ” പറന്നു വന്നു. ഞാൻ മെല്ലെ കയ്യിലേക്ക് അതിനെ ആകർഷിച്ചു എടുത്തു.
മെല്ലെ പരിക്ക് ഏൽക്കാതെ… അതിൻ്റെ വിത്തും കൂടി… അങ്ങനെ… അങ്ങനെ..
ഞാൻ അതെടുത്തു മെല്ലെ എൻ്റെ വെള്ളത്താടിയിൽ പയ്യെ, മൃദുവായി തലോടി.
പെട്ടെന്ന് അതിൻ്റെ വിത്ത് പൊട്ടി, എന്തോ വാതകം നാസാരന്ധ്രങ്ങളിൽ തുളച്ചു കയറി.
ഞാൻ ബോധക്കേടായി വീണു. കുട്ടിയോൾ ഓടി വന്നു, ആത്തേമ്മാരും, മുഖത്തു വെള്ളം തളിച്ചു, കണ്ണ് തുറന്നു, കടുത്ത ശ്വാസം മുട്ട്. ആശുപത്രിയിൽ…പുതിയ രോഗം… ഡിസ്ചാർജ് ചെയ്ത ഞാൻ നേരേ പൊലിസ് സ്റ്റേഷനിൽ പരാതി നൽകി. ഇത് പോലെ സംഭവം പല സ്ഥലത്തു നിന്നും, പല സ്റ്റേറ്റ് ലും റിപ്പോർട്ട്‌ ചെയ്തു എന്ന് അറിഞ്ഞു.. പോലീസ് ചോദിച്ചു.. ആ സമയം ഓർമ്മിക്കുന്ന വല്ലതും ഉണ്ടായോ?? എവിടെ നിന്ന് ആണിത് വന്നത്?? അവിടെ എൻ്റെ കൗതുകം എന്നെ തുണച്ചു, yes സർ ഒരു ഹെലികോപ്റ്റർ പറന്നു പോയിരുന്നു..

Yes.. that is it ‘..പോലീസ് ഇൻസ്‌പെക്ടർ പറഞ്ഞു. ഇത് എല്ലാടത്തും പറഞ്ഞു കേൾക്കുന്നു.  സമാന സംഭവം നടന്ന സ്‌ഥലത്ത്‌ എല്ലാം ഇങ്ങനെ തന്നെയാണ് നടക്കുന്നത്. രാജ്യം മുഴുവൻ അന്വേഷണം നടക്കുന്നു. അടുത്ത രാജ്യം ചെയ്ത പണി,, രോഗം പരത്തി രാജ്യം നശിപ്പിക്കുക,, വിഷവാതകം നിറച്ചു കൃത്രിമമായി “അപ്പൂപ്പൻ താടിയുടെ കുരു ” ഉണ്ടാക്കുക, അതിൽ വിഷവാതകം നിറക്കുക.. അത് പൊട്ടി ശ്വസിച്ചാൽ ശ്വാസം മുട്ട് സ്ഥായി ആയി ശ്വാസകോശരോഗം.. ആരോഗ്യം ഒരു നാടിൻ്റെ നശിപ്പിക്കുക..

ഇപ്പോൾ രോഗം മാറിയാലും അത് ഒരാളിൽ നിന്നും പകരും, ശ്വാസം മുട്ട് മാറുവാൻ വിഷമം.. രാജ്യാന്തരതലത്തിൽ ചർച്ച, നടപടി ഒക്കെ നടക്കുന്നു, ഞാൻ “ദശമൂലരസായനം ” കഴിച്ചിരിക്കുന്നു. പ്രിയരേ വെറുതെ ആ “അപ്പൂപ്പൻ താടി “യെ താലോലിക്കല്ലേ.. ശ്രദ്ധിക്കണേ…