2023 മാർച്ച്‌ 3,എൻ്റെ സ്വപ്നത്തിലെ തൂവൽ സ്പർശം കൊണ്ട ദിനമാണ്. എന്താണെന്നല്ലേ? ഒരു കുഞ്ഞു നോവൽ പുസതകമാക്കിയതിൻ്റെ സന്തോഷമാണിത്. എൻ്റെ സ്വപ്നം മാത്രം അല്ല ഞങ്ങളുടെ സ്വപ്ന സാക്ഷാത്കാരത്തിൻ്റെ സുദിനമാണിന്ന്‌.
2019 ജനുവരി 1 പുത്തൻ പുലരിയിൽ കണ്ടു മുട്ടിയ രണ്ട് പേർ. അവർക്ക് ഒരായിരം കഥകൾ പറയാൻ ഉണ്ടായിരുന്നു. അവർക്ക് ഒരു സ്വപ്നം ഉണ്ടായിരുന്നു സ്വന്തമായി ഒരു ബുക്ക്‌. അത് ഇന്ന് ഈ സുദിനത്തിൽ സാക്ഷാൽക്കരിച്ചു. ഒറ്റയ്ക്ക് ഒരു ബുക്ക്‌ ചെയ്യുക എന്നത് സിമ്പിൾ ആയിട്ട് തോന്നാമെങ്കിലും അതിന് പുറകിൽ രണ്ട് പേരുടെയും രാത്രിയെന്നോ പകൽ എന്നോ ഇല്ലാതെ കഷ്‌ടപ്പാടിൻ്റെ വിലയുണ്ട്. എനിക്ക് പറ്റില്ല എന്ന് കരുതിയ ഇടത്തു നിന്ന് ആദ്യത്തെ വായനക്കാരി ആയ മാലാഖ (സാന്ദ്ര) അവൾ എന്നെക്കൊണ്ട് പറ്റുന്നത്രയും എഴുതിപ്പിച്ചു. എല്ലാവരിൽ നിന്നും വ്യത്യസ്തമായി ചിന്തിക്കുന്ന ഞങ്ങൾക്ക് ഞങ്ങളുടെ പുസ്തകം സ്വന്തമായി ചെയ്യണം എന്ന തോന്നൽ വന്നു, അതിൻ്റെ പിന്നാലെ ഏറെ അലഞ്ഞു. ഞങ്ങൾക്ക് ഇത് പുതിയ അനുഭവമാണ്, ആനന്ദമാണ്. നമ്മൾക്ക് പറ്റില്ല എന്ന് കരുതിയ ഇടത്തിൽ നിന്ന് ഞങ്ങൾ നേടി എടുത്ത വിജയം. കവർ പേജ് ഡിസൈൻ എല്ലാം ഞങ്ങൾ ഒറ്റയ്ക്ക് ചെയ്തു. അതിനിടയിൽ അപ്രതീക്ഷിതമായി കുഞ്ഞു അതിഥിയുടെ വരവും. ശരീരം കുറച്ചധികം ഡൌൺ ആയി പോയപ്പോഴും അതിൽനിന്ന് എല്ലാം ഉയർത്തെഴുന്നേറ്റു പ്രതീക്ഷ കൈവിടാതെ ലക്ഷ്യത്തിനു വേണ്ടി പ്രയത്നിച്ചു. ആദ്യം 15 കഥകൾ അടങ്ങിയ കുഞ്ഞു കഥാ സമാഹാരം പബ്ലിഷ് ചെയ്യാൻ ആണ് ഉദ്ദേശിച്ചത്.
പക്ഷേ ചില കഥകൾക്ക് മാറ്റം അത്യാവശ്യമായതു കൊണ്ട് കുറച്ചു നീണ്ടു പോയി. ഒരു സീരിസിനു വേണ്ടി എഴുതിയ കഥ. ആറു പാർട്ടിൽ തട്ടിയും മുട്ടിയും എഴുതി നിർത്താം എന്ന് കരുതിയാണ് എഴുതിത്തുടങ്ങിയത്.
ഒന്ന് വായിച്ചു നോക്കാൻ വേണ്ടി സാന്ദ്രക്ക് കൊടുത്തപ്പോഴാണ് പറഞ്ഞത് കുറേയധികം പാർട്ട്‌ എഴുതാൻ പറ്റും എന്ന്. കുറച്ചധികം പാർട്ട്‌ എഴുതി തീർത്തു.അതിൽ ജയമോ തോൽവിയോ ഒന്നും തന്നെ ഇല്ല. നീണ്ട കാത്തിരിപ്പിന് ശേഷം നേടി എടുത്ത ഞങ്ങളുടെ സ്വപ്നമാണിത്. പറ്റില്ല എന്ന് കരുതിയതിൽ നിന്നും നേടി എടുത്ത വിജയം.
ഈ വിജയത്തിൽ സന്തോഷിച്ചത് പോലെ ഒരു സുദിനത്തെ ഓർത്തു പോകുകയാണ്.
കട്ടയ്ക്ക് സപ്പോർട്ട് ചെയ്ത മാതാപിതാക്കൾക്കും ഗുരുക്കന്മാർക്കും ശ്രീയേട്ടനും കൂടെപ്പിറപ്പുകൾക്കും എല്ലാമെല്ലാമായ കൂട്ടുകാർക്കും എന്നെ സ്നേഹിക്കുന്ന എല്ലാവർക്കും ഒത്തിരി നന്ദി..
“പ്രതീക്ഷയുടെ കനൽ വഴികൾ ”
എല്ലാവരുടെയും സപ്പോർട്ടും പ്രാർത്ഥനയും ഒപ്പം വേണം.
We Malayalam Rachanakal (ScrollList) are a participant in the Amazon Associates Program, an affiliate advertising program designed to provide a means for sites to earn advertising fees by advertising and linking to amazon.in.
