എൻ മന വീഥി ഒരുങ്ങി
തിരുബലി അർപ്പിച്ചീടാനായ്
സ്വീകരിക്കേണമേ എന്നെ
ഈ ദിവ്യബലിപീഠത്തിൽ
കരുണാമയാ കനിയേണമേ
എൻ ബലി നീ കൈക്കൊള്ളണേ (2)
ദൈവത്തിൻ കൽപനയെല്ലാം പാലിച്ച് ഞാനിന്നണഞ്ഞീടുന്നേ
എനിക്കായ് ബലിയേകിയ യേശുവിൻ തിരുമുൻപിൽ കുമ്പിടുന്നേ
നിൻബലിപീഠത്തിൽ കാഴ്ചയായ് എൻ മനം
നിനക്കായ് സമർപ്പിക്കുന്നു.
കരുണാമയാ കനിയേണമേ
എൻ ബലി നീ കൈക്കൊള്ളണേ (2)
രക്ഷതൻ മഹത്ത്വമെല്ലാം പ്രകീർത്തിച്ച്
ഞാൻ സ്തുതി പാടീടുന്നേ
നിന്നോട് ചേർന്നിരിക്കാൻ യേശുവേ ഞാൻ കൊതിച്ചീടുമ്പോൾ
നിൻ തിരുകരങ്ങളാൽ ഈ ബലിപീഠത്തിൽ
നിൻ കൃപ ചൊരിഞ്ഞീടണേ
– ആന്റോ കവലക്കാട്ട്
