തൃശൂർ സ്വദേശി ആയ ശ്രീ സി. ഐ. ജോയിയുടെ ‘മലേഷ്യൻ ദൃശ്യചാരുത എൻ്റെ കണ്ണുകളിലൂടെ’ എന്ന യാത്രാവിവരണം അടുത്തുതന്നെ ആരംഭിക്കുന്നു. പ്രശസ്ത സിനിമാ നടൻ പരേതനായ സി. ഐ. പോളിൻ്റെ ഇളയ സഹോദരനാണ് ഇദ്ദേഹം.
ശ്രീരാമലക്ഷ്മണന്മാരെ പോലെ കഴിഞ്ഞ സഹോദരങ്ങൾ ആയിരുന്നു സി.ഐ.ജോയും സി.ഐ.പോളും. ഇന്നും പോളേട്ടൻ്റെ എല്ലാ സിനിമ പ്രസിദ്ധീകരണങ്ങളും ഫോട്ടോകളും നിധി പോലെ സൂക്ഷിച്ച് ആ ചേട്ടൻ കൊണ്ട വെയിലാണ് ഞാൻ ഇന്ന് അനുഭവിക്കുന്ന തണൽ എന്ന് പറഞ്ഞ സി. ഐ.ജോയ് താൻ ആദ്യമായി നടത്തിയ വിദേശയാത്രയെക്കുറിച്ച് നർമ്മത്തിൻ്റെ മേമ്പൊടി ചേർത്ത് എഴുതി തുടങ്ങുകയാണ്….എഴുത്തിലും സംഭാഷണത്തിലും ഇദ്ദേഹം പലപ്പോഴും സി.ഐ. പോളിനെ അനുസ്മരിപ്പിക്കുന്നു. നമുക്ക് കാത്തിരിക്കാം അദ്ദേഹത്തിൻ്റെ നർമത്തിൽ ചാലിച്ച വിദേശയാത്രയെക്കുറിച്ചുള്ള വിവരണങ്ങൾക്കായി…..
