ഹമീദിൻ്റെ ബാങ്ക് വിളിയെക്കുറിച്ച് നാട്ടുകാർ ഒരേ സ്വരത്തിൽ പറയും “എത്ര നല്ല ബാങ്കാണ് ഹമീദിൻ്റെത് ”
ഒരിക്കൽ പള്ളിമുക്രിക്ക് നാട്ടിൽ നിന്നും ഒരെഴുത്ത്:
“ഉടനെ നാട്ടിൽ ചെല്ലണം”
ആരെയാണ് ബാങ്ക് വിളിക്കാൻ ഏൽപിക്കുക.’നിസ്ക്കാരതഴമ്പുള്ളവർക്ക് അധികം ചിന്തിക്കേണ്ടി വന്നില്ല.
“ഞമ്മളെ ഹമീദിനെ തന്നെ ”
‘മുക്രിയെ പത്തരയ് ള്ള കോഴിക്കോട് ബസ്സിൽ യാത്രയാക്കിയിട്ട് ഹമീദ് പള്ളിയിലേക്ക് തിരിച്ചു.’ മനസ്സിൽ ഉത്തരവാദിത്വത്തിൻ്റെ ഭാരം’
പള്ളിക്കുളത്തിലിറങ്ങി അംഗശുദ്ധി വരുത്തി – മനസ്സിൽ സമയമുറപ്പിച്ച് ‘ളുഹർ ‘ ബാങ്ക് നല്ല രാഗത്തിൽ നീട്ടി വിളിച്ചു.
വീണ്ടും ചുമരിൽ തൂങ്ങുന്ന ഘടികാരത്തിലേക്ക് നോക്കിയപ്പോഴാണ് തനിക്ക് പറ്റിയ അമളി മനസ്സിലായത്.
സമയം.11-30. ഇനിയും ഒരു മണിക്കൂർ ബാക്കി കിടക്കുന്നു ളുഹർ ബാങ്കിന്
പിന്നെ ഒട്ടും താമസിച്ചില്ല. ഘടികാരത്തിൽ സമയം ഒരു മണിക്കൂർ കൂട്ടി വച്ചു.
ബാങ്ക് വിളി കേട്ടു വന്ന നാട്ടുകാർ ചോദിച്ചു: “എന്താ ഹമീ ദെ, ളുഹർ 11-30നാണോ?
ഹമീദ് യാതൊരു കുസലുമില്ലാതെ ഘടികാരത്തിലേക്ക് വിരൽ ചൂണ്ടി!
– എ. ബെണ്ടിച്ചാൽ
