നിനക്കെന്താടാ നല്ലപോലെ പഠിച്ചൂടെ? നിൻ്റെ അച്ഛനും, അമ്മയും എത്ര കഷ്ടപ്പെട്ട് വായിച്ചു പഠിച്ചാ ജോലി സമ്പാദിച്ചത്?
അപ്പോൾ അവൻ പറയുകയാണ്. അവരെല്ലാo അടിമകളല്ലേ. അടിമകള്. എനിക്കങ്ങനെ പഠിക്കണംന്നൊന്നു ഇല്ല. അല്ലേത്തന്നെ ആരാ ഈ പഠിച്ചിട്ട് നന്നായേ?
പിന്നെ നീയെന്തു ചെയ്യാനാ ഉദ്ദേശം?
എന്തെങ്കിലും ബിസിനസ്സ് ചെയ്യ്വ പണമുണ്ടാക്ക്വ അത്രേന്നെ.
മലയാളത്തോട് ഒരു തരം അലർജിയാണവന് . ഒരു ദിവസം മലയാളം ക്ലാസ്സിൽ നിന്ന് രക്ഷപ്പെടാൻ ക്വിസ്സ് മത്സരത്തിൽ പങ്കെടുത്തു.
ഉത്തരങ്ങളെല്ലാം അറിയാമായിരുന്നിട്ടും അവൻ തെറ്റെഴുതിവെച്ചു
എന്തിനാന്നറിയ്യോ ഒന്നാം സ്ഥാനം കിട്ടിയാൽ വീണ്ടും ടീച്ചർമാർ ക്വിസ് മത്സരത്തിനു പങ്കെടുക്കാൻ വിളിക്കാതിരിക്കാൻ.
– സത്യ ഭായ്
